Пьеса "Гамлет" У. Шекспира на ингушском языке

Лаьттан букьт1а ме болча йоазанхош даьча белхашта йикъе к1оаргаг1чарех а лерхамег1чарех а я Шекспира «Гамлет» цІи йола трагеди. X1анззолца бынза баланза ба цун мах ма барра. Цудухьа г1алг1ай метта долча йоазонца чам барашта укхог1 цхьа совг1ат мо х1ама худда аьнна хетт.

ДЕША ХЬАЛХА

Эзар сов саг вахаш ханнача з1амигача Стартфордера яьнна англе драма-турга Шекспира ц1и дукха ха я дунен масса ми1инге кхаьча а, дукхача культурий дакъа а ханна цун кхоллам д1аэтта а. Укх массехк б1аь шера дунен литература лоарх1амег1а дола дакъа а ханна латтача Шекспира дуккхача а балхашта юкъе толашаг1 яр «Гамлет» ц1и йола трагеди я. Хьалхара-хьалха Европа сценашка автора никъ биллар я из. Цу тейпа адамий ийла хьееш бола низ тела сурт кхолла в1ашт1ехь даьннадац цхьанна а поэта. Х1аьта дукхаг1ча даькъе из хьадаьр - к1ей стих, деша парг1атонца, йоккхача говзалца, еша атта халарца товш а чам болаш а йола. «Гамлета» керттера дар - дика-во, хоза-ийрча яхараш мо, сагах саг веш ме дола х1амаш къесточа ийла е хьехар. Сона хеташ, керттера из х1ама да «Гамлетах» шийх классика боарам а, ло а хьабер. Из иштта дий-деций Хьо, г1алг1ай йоазув дешар, хьажар ловш баьб е болх.

Таржамхо